Leviticus 19:1 ουοϩ α `πϭοις ςαϫι νεμ μωυςης εϥϫω `μμος

Leviticus 19:2 ϫε ςαϫι νεμ ϯςυναγωγη τηρς `ντε νενϣηρι `μπιςραηλ ουοϩ εκεϫος νωου ϫε ϣωπι ερετενουαβ ϫε ϯουαβ ανοκ πε `πϭοις πετεννουϯ

Leviticus 19:3 `φουαι `φουαι μαρεϥερϩοϯ ϧατϩη `νουιωτ νταϥ νεμ ουμαυ νταϥ ουοϩ ναςαββατον αρεϩ ερωου ανοκ πε `πϭοις πετεννουϯ

Leviticus 19:4 `ννετενμοϣι νςα νιιδωλον ουοϩ ϩαννουϯ μφωτϩ `ννετενθαμιωου νωτεν ανοκ πε `πϭοις πετεννουϯ

Leviticus 19:5 ουοϩ εϣωπ αρετενϣανϣωτ `νουϣουϣωουϣι ννοϩεμ `μ`πϭοις ερετενεϣατϥ εϥϣηπ νωτεν

Leviticus 19:6 ϧεν πιεϩοου ετετενναϣωτ ευεουομϥ νεμ πεϥραςϯ εϣωπ δε αϥϣανςωϫπ ϣα ουεϩοου `μμαϩ 3. ευεροκϩϥ ϧεν ουχρωμ

Leviticus 19:7 εϣωπ δε ϧεν ουουωμ ντουουομϥ ϧεν πιεϩοου `μμαϩ 3. `νουϣωτ αν πε ννουϣοπϥ

Leviticus 19:8 φη δε ετναουομϥ εϥεϭι `νουνοβι ϫε νη εθουαβ `ντε `πϭοις αϥϭαϧμου ουοϩ ευεϥωϯ εβολ `νϫε νιψυχη ετναουωμ εβολ ϧεν πουλαος

Leviticus 19:9 ουοϩ εϣωπ αρετενϣανωςϧ `μπιωςϧ `ντε πετενκαϩι `ννετενωςϧ επτηρϥ `μπιωςϧ `ντε `τκοι νη ετναϩει `ντε πεκωςϧ `ννεκςοκου

Leviticus 19:10 ουοϩ πεκιαϩαλολι `ννεκκοτκ εϭολϥ νκεςοπ ουοϩ νιναφρι `ντε πεκιαϩαλολι `ννεκςοκου εκεςοϫπου `μπιϩηκι νεμ πιϣεμμο ανοκ πε `πϭοις πετεννουϯ

Leviticus 19:11 `ννετενϭιουι `ννετενϫεμεθνουϫ ουδε `ννε `φουαι `φουαι ϭι `μπεϥϣηρ νϫονς

Leviticus 19:12 ουοϩ `ννετενωρκ `μπαραν εϫεν ουμετοϫι ουοϩ `ννετενςωϥ `μπιραν εθουαβ `ντε πετεννουϯ ανοκ πε `πϭοις πετεννουϯ

Leviticus 19:13 `ννεκεραδικιν `μπεκϣφηρ `ννεκϩωλεμ `ννε φβεχε `νουρεμμβεχε νκοτ ντοτκ ϣα ϩανατοουι

Leviticus 19:14 `ννεκϫε πετϩωου νςα ουκουρ `ννεκχω `νουϭροπ `μπεμθο `νουβελλε εκεερϩοϯ ϧατϩη `μ`πϭοις πεκνουϯ ανοκ πε `πϭοις πετεννουϯ

Leviticus 19:15 `ννετενιρι `νουϭινϫονς ϧεν ουϩαπ `ννεκϭι `νουϩηκι ουδε `ννεκϭιϣφηρι `μπϩο `νουϫωρι ϧεν ουμεθμηι εκεϯϩαπ επεκϣφηρ

Leviticus 19:16 `ννεκμοϣι ϧεν ουχροϥ ϧεν πεκεθνος `ννεκερϣφηρ νοϩι ερατκ εϫεν π`ςνοϥ `μπεκϣφηρ ανοκ πε `πϭοις πετεννουϯ

Leviticus 19:17 `ννεκμεςτε πεκςον ϧεν πεκϩητ ϧεν ουςοϩι εκεςαϩε πεκϣφηρ ουοϩ `ννεκϭι `νουνοβι εθβητϥ

Leviticus 19:18 ουοϩ `ννε τεκϫιϫ ϭιμπϣιϣ `ννεκχα ουαρικι νϧητκ `ντεν νενϣηρι `μπεκλαος `ννεκκωϯ νςα ϯϣεβιω εκεεραγαπαν `μπεκϣφηρ `μπεκρηϯ ανοκ πε `πϭοις πετεννουϯ

Leviticus 19:19 πανομος αρεϩ εροϥ νεκτεβνωουι `ννεκθρουϭιϫροϫ εβολ ϧεν ϩαντεβνωουι ευϣεβιηουτ ουοϩ πεκιαϩαλολι `ννεκςατϥ ϧεν ουϣιβϯ ουοϩ ουϩβος εϥςηϧ εβολ ϧεν ςναυ εουουωτεβ πε `ννεκτηιϥ ϩιωτκ

Leviticus 19:20 ουοϩ εςεϣωπι αρεϣαν ουαι νκοτ νεμ ουςϩιμι `νουϣαιρι νϫροϫ ουοϩ θαι ουβωκι τε εαυαρεϩ ερος `νουρωμι ουοϩ θαι `μπουςοτς ϧεν ϩανςωϯ ιε ουμετρεμϩε `μπουτηις νας ουϫεμπϣινι εϥεϣωπι νωου `μπουμου ϫε `μπουαις `νρεμϩε

Leviticus 19:21 ουοϩ εϥεινι εϩρηι εϫεν ϯμετϣαϥτ `μ`πϭοις ϩιρεν `φρο `ντε ϯςκυνη `ντε ϯμετμεθρε `νουωιλι `ντε ουμετϣαϥτ

Leviticus 19:22 ουοϩ εϥετωβϩ εϩρηι εϫωϥ `νϫε πιουηβ ϧεν πιωιλι `ντε ϯμετϣαϥτ `μπεμθο `μ`πϭοις εθβε πεϥνοβι εταϥερνοβι `μμοϥ ουοϩ ευεχα πεϥνοβι ναϥ εβολ εταϥερνοβι `μμοϥ

Leviticus 19:23 εϣωπ δε αρετενϣανϣενωτεν εϧουν επικαϩι φη ετε `πϭοις πετεννουϯ `νατηιϥ νωτεν ουοϩ `ντετενϭο νϣϣην νιβεν μμας ουταϩ εφουομϥ ουοϩ ερετενετουβο `μπεϥϭωϧεμ πεϥουταϩ εϥεϣωπι νωτεν ν3. `νϯρομπι εϥϭαϧεμ `ννετενουομϥ

Leviticus 19:24 ουοϩ ϧεν ϯμαϩ 4. εϥεϣωπι `νϫε πεϥουταϩ τηρϥ εϥουαβ ευωϣ `μμοϥ `μ`πϭοις

Leviticus 19:25 `νϩρηι δε ϧεν ϯρομπι `μμαϩ 5. ερετενεουωμ `μπεϥουταϩ ουτουϩο νωτεν πε νεϥγενημα ανοκ πε `πϭοις πετεννουϯ

Leviticus 19:26 `μπερουωμ ϩιϫεν νιτωου ουοϩ `ννετενϭινι ουοϩ `ννετενερρεϥϭιϣημ ϧεν νιϩαλαϯ

Leviticus 19:27 `ννετενθαμιε ϫιϭωι εβολ ϧεν πϥωι `ντετεναφε ουδε `ννετεντακε `πϩο `ντε νετενμορτ

Leviticus 19:28 ουοϩ ϩανϣωτ νϭοτϭετ `ννετενθαμιωου ϧεν νετενςωμα εϩρηι εϫεν ουψυχη ουοϩ ϩανςϧαι ευθεκθωκ `ννετενθαμιωου ϧεν θηνου ανοκ πε `πϭοις πετεννουϯ

Leviticus 19:29 `ννεκςωϥ `ντεκϣερι εθρεςερπορνευιν ουοϩ `ννε `πκαϩι ερπορνευιν ουοϩ `ντεϥμοϩ `νϫε `πκαϩι νανομια

Leviticus 19:30 ναςαββατον ερετενεαρεϩ ερωου ουοϩ ερετενεερϩοϯ ϧατϩη ννη εθουαβ ντηι ανοκ πε `πϭοις πετεννουϯ

Leviticus 19:31 `ννετενμοϣι νςα νιρεϥμουϯ ϧεν θνεϫι νεμ νιρεϥϣενϩιν `ννετεντεμ θηνου ερωου ϫε `ννετενϭωϧεμ νϧητου ανοκ πε `πϭοις πετεννουϯ

Leviticus 19:32 τωνκ ϧαϫωϥ `νουρεμνςχιμ ουοϩ ματαιε μουϯ `ννιϧελλοι αριϩοϯ ϧατϩη `μπεκνουϯ ανοκ πε `πϭοις πετεννουϯ

Leviticus 19:33 εϣωπ αϥϣανι ϩαρωτεν `νϫε ουϣεμμο εϧουν επετενκαϩι `ννετενϩεϫϩωϫϥ

Leviticus 19:34 εϥεϣωπι ϧεν θηνου ` μ`φρηϯ `μπιρεμνϯμι `νϫε πιϣεμμο ετνηου ϩαρωτεν ουοϩ εκεμενριτϥ `μπεκρηϯ ϫε αρετενϣωπι ϩωτεν `νϣεμμο ϧεν `πκαϩι `νχημι ανοκ πε `πϭοις πετεννουϯ

Leviticus 19:35 `ννετενιρι `νουϭινϫονς ϧεν ουϩαπ ϧεν ϩανϣι νεμ ϩανςταμνος νεμ ϩανμαϣι

Leviticus 19:36 ϩανμαϣι νθμηι νεμ ουϣι νθμηι νεμ ουχους νθμηι ευεϣωπι νωτεν ανοκ πε `πϭοις πετεννουϯ φη εταϥεν θηνου εβολ ϧεν `πκαϩι `νχημι

Leviticus 19:37 ουοϩ αρεϩ επανομος τηρϥ νεμ ναουαϩςαϩνι τηρου ερετενεαιτου ανοκ πε `πϭοις